Кіраўнікі бюро і Парлямэнцкай асамблеі праінфармавалі прадстаўнікоў расейскага боку аб прынятым рашэньні.
У заяве адзначаецца, што бюро самастойна вызначае аб’ём і фармат назіраньня за выбарамі. Меркавалася, што на выбары ў Дзярждуму паедуць 80 доўгатэрміновых і 420 кароткатэрміновых назіральнікаў.
Першапачаткова і прадстаўнікі бюро, і прадстаўнікі асамблеі былі запрошаныя на выбары ў Дзярждуму, але пасьля колькасьць прадстаўнікоў была скарочаная да 50 і 10 чалавек адпаведна. Расейскія ўлады патлумачылі такое рашэньне неспрыяльным становішчам у сувязі з пандэміяй каранавірусу. Бюро запытала тлумачэньні аб разгортваньні місіі назіраньня за выбарамі ў рэкамэндаваным фармаце, сказана ў паведамленьні структур АБСЭ.
Адзіны дзень галасаваньня на выбарах у Дзярждуму восьмага скліканьня прызначаны на 19 верасьня. У ліпені расейскі ЦВК папярэджваў, што праца замежных прадстаўнікоў на выбарах будзе залежаць ад сытуацыі з COVID-19.
