Лінкі ўнівэрсальнага доступу

Уступіла ў сілу забарона ў Расеі ФБК і штабоў Навальнага


Аляксей Навальны

1-ы апэляцыйны суд у Маскве ў сераду пацьвердзіў рашэньне суду ніжэйшай інстанцыі аб прызнаньні экстрэмісцкімі штабоў Навальнага і заснаванага Аляксеем Навальным Фонду барацьбы з карупцыяй.

Дзейнасьць гэтых арганізацый на тэрыторыі Расеі забароненая. Рашэньне можа быць абскарджанае, але ўжо ўступіла ў законную сілу.

Як паведамілі адвакаты, на ўваходзе ў суд у іх забралі мабільныя тэлефоны, каб зрабіць немагчымай трансьляцыю паседжаньня. У выніку яно прайшло, па сутнасьці, у закрытым рэжыме.

ФБК і штабы Навальнага былі прызнаныя экстрэмісцкімі ў чэрвені. Непасрэдным наступствам гэтага рашэньня стала адмова ў рэгістрацыі кандыдатамі на выбарах для шэрагу паплечнікаў Навальнага і нават тых людзей, якія ня бралі ўдзелу ў працы структураў апазыцыянэра, а толькі ўдзельнічалі ў мітынгах у яго падтрымку. Адпаведны закон быў ухвалены таксама ў чэрвені.

За ўдзел у дзейнасьці экстрэмісцкіх арганізацый у Расеі пагражае пазбаўленьне волі. Шэраг паплечнікаў Навальнага апошнім часам пакінулі Расею. Сам Навальны застаецца ў калёніі, адбываючы тэрмін па справе, з апошнім рашэньнем не зьвязанай.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG