Лінкі ўнівэрсальнага доступу

Што сказала Ціханоўская брытанскаму прэм’еру?


Сьвятлана Ціханоўская і Борыс Джонсан

Тэлеграм-канал Сьвятланы Ціханоўскай паведаміў падрабязнасьці яе перамоваў з прэмʼер-міністрам Вялікай Брытаніі Борысам Джонсанам

Паводле каналу, сустрэча праходзіла ў галоўным офісе прэмʼера і працягвалася каля 25 хвілін.

Падчас перамоваў абмеркавалі:

— Праграму дапамогі грамадзянскай супольнасьці: палітвязьням і іх семʼям, студэнтам, мэдыкам, рабочым і іншым рэпрэсаваным беларусам.

— Санкцыі супраць рэжыму: важна, каб яны былі эфэктыўнымі і каардынаваліся з краінамі ЭЗ, ЗША і Канадай.

— Атаку на свабоду слова і на ўзаемадапамогу беларусаў: Ціханоўская расказала пра інцыдэнт зь лёгкаатлеткай Крысьцінай Ціманоўскай і пра гібель ва Ўкраіне актывіста Віталя Шышова.

Сьвятлана Ціханоўская на сустрэчы зь беларускай дыяспарай, Лёндан, 3 жніўня 2021
Сьвятлана Ціханоўская на сустрэчы зь беларускай дыяспарай, Лёндан, 3 жніўня 2021

— Падтрымку беларускай дыяспары ў Вялікай Брытаніі.

— Магчымасьць падняць беларускае пытаньне ў міжнародных арганізацыях (АБСЭ, Рада бясьпекі ААН, Рада па правах чалавека ААН).

Ціханоўская заявіла: «Зь цягам часу тэрор супраць беларусаў пачаў закранаць жыцьцё і бясьпеку іншых дзяржаваў. Найлепшы прыклад — міграцыйны крызіс: рэжым выкарыстоўвае нелегальных мігрантаў у якасьці помсты Літве і Эўразьвязу за падтрымку беларусаў».

Сьвятлана Ціханоўская на сустрэчы зь беларускай дыяспарай, Лёндан, 3 жніўня 2021
Сьвятлана Ціханоўская на сустрэчы зь беларускай дыяспарай, Лёндан, 3 жніўня 2021

Ціханоўская падзякавала прэмʼеру за ініцыяваньне Маскоўскага мэханізму, стварэньне міжнароднай плятформы фіксацыі злачынстваў рэжыму і падтрымку Беларусі на ўсіх міжнародных форумах. Пасьля сустрэчы зь Ціханоўскай Джонсан заявіў, што ён «цалкам на баку беларусаў».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG