Лінкі ўнівэрсальнага доступу

Нью-Ёрк: 10 чалавек параненыя ў выніку страляніны ў Кўінзе


Архіўнае фота. Пасьля страляніны ў Кўінзе ў 2016 годзе

Паліцыя заявіла, што пэўныя пацярпелыя былі ўдзельнікамі дамініканскай вулічнай банды.

Двое мужчын адкрылі агонь па групе людзей, якія сабраліся каля цырульні ў нью-ёрскім раёне Кўінз, параніўшы 10 чалавек, пасьля чаго ўцяклі на мапэдах. Пра гэта са спасылкай на паліцыю паведамляе Голас Амэрыкі.

Інцыдэнт адбыўся ў ноч з суботы на нядзелю.

Паліцыя паведаміла, што восем мужчын і дзьве жанчыны ва ўзросьце ад 19 да 72 гадоў былі шпіталізаваныя з раненьнямі, якія не нясуць пагрозы жыцьцю. Самай сур’ёзнай траўмай было раненьне ў жывот, якое атрымаў адзін з пацярпелых, паведаміў начальнік аддзелу дэтэктываў дэпартамэнту паліцыі Нью-Ёрку Джэймз Эсыг.

Паліцыя паведаміла, што нападнікі прыйшлі на месца злачынства пешшу, але зьехалі, заскочыўшы на заднія сядзеньні двух мапэдаў, якімі кіравалі двое іншых мужчын. Паліцыянты адзначылі, што ўсе чацьвёра былі апранутыя ў байкі з каптурамі.

Трое параненых былі ўдзельнікамі дамініканскай вулічнай банды Trinitarios, і па іх стралялі наўмысна, паведаміў Эсыг. За некалькі дзьвярэй ад цырульні, у рэстаране, у момант стральбы праходзіла вечарынка, дадаў ён.

«Гэта была дзёрзкая скаардынаваная атака, — сказаў Эсыг. — Гэта непрымальна, і гэта павінна спыніцца».

На раніцу нядзелі ніхто ня быў затрыманы, і паліцыя паведаміла, што неўзабаве апублікуе фатаграфіі і відэа зь месца здарэньня.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG