Лінкі ўнівэрсальнага доступу

Адбіткі пальцаў, пробы ДНК, запіс голасу: беларусаў ставяць на ўлік за ўдзел у пратэстах


Акцыя ў Менску, 8 верасьня 2020

Жыхароў розных гарадоў па ўсёй Беларусі выклікаюць у мясцовыя аддзяленьні міліцыі, каб паставіць на адмысловы ўлік за ўдзел у пратэстных акцыях.

Усе, каго цяпер выклікаюць, раней затрымліваліся і былі асуджаныя паводле «народнага артыкулу» 23.34 КаАП (парушэньне закону аб масавых мерапрыемствах). Адлік справаў вядзецца ад 9 жніўня мінулага году, паведамляе тэлеканал «Белсат».

Так, у Горадні ў гараджанаў бралі адбіткі пальцаў, пробы ДНК (сьліна), фатаграфавалі і запісвалі іх голас. У Лідзе выклікалі для пастаноўкі на ўлік мінімум 130 чалавек, ад фота і ДНК там можна адмовіцца.

Ад пачатку сёлетняга лета некаторых з гэтых людзей выклікалі ў пракуратуру падпісаць дакумэнт аб тым, што яны ня будуць удзельнічаць у акцыях пратэсту.

Вядомыя таксама выпадкі тэлефанаваньняў і запрашэньняў у міліцыю «на прафіляктычную гутарку».

Паводле праваабаронцаў, ад пачатку мінулагодняй прэзыдэнцкай кампаніі праз затрыманьні, адміністрацыйныя арышты і штрафы ў Беларусі прайшлі блізу 40 тысяч чалавек. Звыш 600 арыштаваных прызнаныя палітычнымі вязьнямі.

Агулам, згодна статыстыкі сілавых структураў, заведзена больш за 4600 крымінальных справаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG