Лінкі ўнівэрсальнага доступу

Пяскоў патлумачыў словы Пуціна пра «адзіны народ» і «братэрскі народ» адносна расейцаў, украінцаў і беларусаў


Уладзімір Пуцін і Дзьмітры Пяскоў
Уладзімір Пуцін і Дзьмітры Пяскоў

Прэзыдэнт РФ Уладзімір Пуцін выкарыстоўвае сынанімічныя азначэньні, называючы ўкраінскі народ «адзіным народам» з расейцамі, а беларускі народ — «братэрскім», сказаў журналістам прэсавы сакратар прэзыдэнта Расеі Дзьмітры Пяскоў

Пра гэта паведамляе Інтэрфакс.

Украінскі журналіст зьвярнуў увагу Пяскова, што прэзыдэнт РФ Пуцін адносна ўкраінцаў і расейцаў выкарыстоўвае тэрмін «адзін народ», а ў дачыненьні да беларусаў і расейцаў — «братэрскія». На пытаньне, ці зьяўляюцца гэтыя азначэньні сынонімамі, Пяскоў адказаў: «Гэта сынонімы».

«Мы з вамі адзін народ, але дзьве розныя дзяржавы. Абсалютна так і ёсьць, гэта рэальнасьць, у якой мы існуём. Пасьля распаду СССР мы апынуліся ў дзьвюх розных дзяржавах. Кожная дзяржава зьяўляецца сувэрэннай, але народ усё роўна адзін», — сказаў Пяскоў.

«Можна спрабаваць перапісваць гісторыю колькі заўгодна, як гэта спрабуюць рабіць ва Ўкраіне, але народ усё роўна адзіны», — дадаў ён.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG