«Абвінавачаныя даюць пасьлядоўныя прызнальныя паказаньні, — гаворыцца ў паведамленьні. — У адпаведнасьці з заканадаўствам яны зьвярнуліся з хадайніцтвам аб заключэньні дасудовага пагадненьня аб супрацоўніцтве са сьледзтвам. У хадайніцтве абавязаліся аказваць садзейнічаньне ў расьсьледаваньні, выкрыцьці саўдзельнікаў, ажыцьцяўленьні ўсяго магчымага для загладжваньня шкоды, прычыненай злачынствамі. Пасьля разгляду звароту аб зьмене меры стрыманьня сьледзтва палічыла магчымым зьмяніць яе на хатні арышт».
Журналіста Рамана Пратасевіча і студэнтку Соф’ю Сапегу затрымалі 23 траўня ў выніку прымусовай пасадкі ў Менску самалёта кампаніі Ryanair, які ляцеў з Атэнаў у Вільню.
