Лінкі ўнівэрсальнага доступу

Пажар на Лукомскай ДРЭС, спыніліся цэхі на «Нафтане» і «Паліміры»

абноўлена

«Палімір», ілюстрацыйнае фота

Міністэрства надзвычайных сытуацый паведаміла пра пажар на Лукомскай ДРЭС на Віцебшчыне. Паведамляецца, што там загарэлася трансфарматарная падстанцыя.

Як перадае шэраг тэлеграм-каналаў, на «Нафтане» і «Паліміры» ў Наваполацку спыніліся цэхі і ўстаноўкі. Жыхары Наваполацку пішуць, што над тэрыторыяй, дзе месьцяцца «Нафтан» і «Палімір», стаіць дым.

Міністэрства энэргетыкі пацьвердзіла, што праз пажар на Лукомскай ГРЭС парушана электразабесьпячэньне населеных пунктаў Магілёўскай і Віцебскай абласьцей.

«Адключаныя 8 энэргаблёкаў ДРЭС і ўсе выходныя лініі 330 кВ». У шэрагу раёнаў Віцебскай і Магілёўскай абласьцей няма вады ў водаправодах.

Пасьля 23-й гадзіны Міністэрства ў надзвычайных сытуацыях паведаміла пра ліквідацыю пажару на Лукомскай ДРЭС. Паведамляецца, што пацярпелых няма.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG