Чаму Пашыньян ізноў перамог? Адказвае палітычны аглядальнік «Эха Кавказа»

На гэтыя пытаньні Юрыя Дракахруста наконт выбараў у Армэніі адказвае палітычны аглядальнік радыё «Эхо Кавказа» Вадзім Дубноў.

Дубноў

• Пашыньян здолеў памяняць парадак дня.
• Безнадзейнае для яго пытаньне аб паразе ў вайне ён здолеў замяніць пытаньнем аб пасьляваеннай пабудове грамадзтва.
• Апазыцыя гуляла на полі ваеннай паразы, а на тым полі, гульню на якім прапанаваў Пашыньян, апазыцыі асабліва не было чаго прапанаваць.

• Апазыцыя казала, што страчаны будзе ня толькі Карабах, але і ўся Армэнія.
• Усё тое, чым пужала апазыцыя, ня спраўдзілася.
• Фактарам выбараў была нелюбоў да постацяў мінулага — экс-прэзыдэнтаў Качар'яна і Саргсьяна.
• Да таго ж толькі Пашыньян быў сапраўдным змагаром, барацьбітом за ўладу.
• Качар'ян перамагаў у мінулым альбо за кошт адміністрацыйнага рэсурсу, альбо гвалтам, як гэта было ў 2008 годзе.
• Пашыньян прафэсійна маніпулюе і інтрыгуе, і вось вынік.
• Качар'ян здолеў згуртаваць вакол сябе ладную частку тых сілаў, якія не ўспрымалі Пашыньяна, але не былі гатовыя аддаць галасы больш лібэральным сілам.

ГЛЯДЗІЦЕ ТАКСАМА:

У Армэніі на парлямэнцкіх выбарах перамагла партыя Пашыньяна. Апанэнт аспрэчвае афіцыйныя вынікі

• Пашыньян здолеў перавесьці выбары ў фармат рэфэрэндуму аб даверы яму.
• Фігуры, якая магла згуляць супраць Пашыньяна, у Армэніі проста не было.
• Сацыялёгія не зьяўляецца моцным бокам армянскай грамадзкай думкі.
• У самой Армэніі сацыялягічным зьвесткам ня надта вераць. Там ведаюць, хто стаіць за той ці іншай сацыялягічнай фірмай.
• Усе эліты адвярнуліся ад Пашыньяна — эліты вайсковыя, акадэмічныя, значнай часткай і эліты палітычныя.

ГЛЯДЗІЦЕ ТАКСАМА:

Прайграная вайна і ціск Крамля. Небясьпечныя выбары ў Армэніі

• Гэта, зразумела, ягоная параза. Але гэтыя эліты хаваюцца ў тых 50% насельніцтва, якія не прыйшлі на ўчорашнія выбары.
• Яны не настолькі ненавідзелі Пашыньяна, каб пайсьці прагаласаваць за Качар'яна.
• Модна казаць пра «глыбінны народ», які прагаласаваў за Пашыньяна.
• Але гэта хутчэй ляялісцкая постсавецкая большасьць, якая заўсёды галасуе за дзейную ўладу. Яна жыве пераважна ў вёсцы і ў малых гарадах.
• І важны момант — зьмена парадку дня. Цяжка сказаць, як бы прагаласавала гэтая большасьць, скажам, у лістападзе летась, калі пытаньне вайны было гарачае.

ГЛЯДЗІЦЕ ТАКСАМА:

Навошта Лукашэнку Аліеў

• Час спрацаваў на Пашыньяна.
• Я магу памыляцца, але пасьлявыбарчы пратэст Качар'ян ладзіць гэтак жа маланатхняльна, як ладзіў выбарчую кампанію.
• Рэсурсу натоўпу ў Качар'яна няма. Рэсурс натоўпу ёсьць у Пашыньяна, і сёньня ўвечары мы яго ўбачым, калі ён паспрабуе вярнуць сабе статус лідэра Плошчы.
• Пашыньян — чалавек без палітычных прынцыпаў.
• Ён можа сабе дазволіць гаварыць бязь мітаў. Ён можа не гаварыць пра сьвятыя для армянаў рэчы — пра армянскі сьвет (у нечым падобны да «рускага сьвету»), межы якога не праходзяць нідзе.

ГЛЯДЗІЦЕ ТАКСАМА:

Чаму Армэнія не Беларусь. Дыскусія аналітыкаў

• Лявон Тэр-Пэтрасян казаў яшчэ ў 1997 годзе, але зыходзячы з прынцыпаў армянскай Realpolitik — перамога ў Карабаху нічога ня дасьць, яна абернецца паразай.
• Сёньня Пашыньян праводзіць тую самую думку, зыходзячы з адсутнасьці прынцыпаў.
• Ён адзіны можа сказаць пра неабходнасьць дэмаркацыі і дэлімітацыі мяжы, а гэта адсякае ўсе надзеі на Карабах.
• Але слухаць будуць Пашыньяна.

ГЛЯДЗІЦЕ ТАКСАМА:

У Армэніі дамовіліся пра датэрміновыя парлямэнцкія выбары

• Яму вельмі дапамаглі Расея і Азэрбайджан у апошнія месяцы.
• Масква паводзіць сябе адносна Армэніі вельмі прагматычна.
• Гэта міт 90-х — пачатку нулявых, што Маскве Армэнія патрэбная як калёнія.
• Вельмі сьмешна, але кожная армянская палітычная сіла спрабуе «ўпарыць» Маскве больш армянскага сувэрэнітэту, чым Маскве гэта трэба.
• Азэрбайджан спрабуе ўмацаваць сваю перамогу. Баку падштурхоўваў Ерэван да заключэньня мірнай дамовы.
• Армэніі складана, бо ёй няма на каго спадзявацца — яна ня можа спадзявацца ні на Маскву, ні на Захад.

ГЛЯДЗІЦЕ ТАКСАМА:

«Спроба перавароту», патрабаваньне вайскоўцаў да Пашыньяна і мітынгі за і супраць прэм’ера. Што адбываецца ў Армэніі

• Пашыньян ня стане дыктатарам, гэтага нікому ў Армэніі не ўдавалася.
• Януковіч пераблытаў — ва Ўкраіне нельга кіраваць, як Лукашэнка ў Беларусі.
• І ў Армэніі нельга, у Армэніі можна толькі дамаўляцца.
• Пашыньян абламаў зубы аб сетку прыхільнікаў Качар'яна ў сыстэме ўлады.

Што адбылося раней

• Партыя выканаўцы абавязкаў прэм’ер-міністра Армэніі Нікола Пашыньяна «Грамадзянская дамова» перамагла на датэрміновых парлямэнцкіх выбарах краіны з 53,92% галасоў.
• Далей ідзе блёк другога прэзыдэнта краіны Робэрта Качар’яна «Армэнія» з 21,04% галасоў. Акрамя таго, блёк «Гонар маю», які сфармаваўся вакол партыі трэцяга прэзыдэнта Армэніі Сэржа Саргсьяна, набраў 5,23% галасоў. Партыя «Квітнеючая Армэнія» атрымала 3,96% галасоў, а партыя «Рэспубліка» — 3,04%.
• Яўка на выбарах па ўсёй краіне склала 49,4%. Яўка ў Ерэване — 51,55%.