Як паведамляе інфармацыйнае агенцтва «Минск-Новости» са спасылкай на дырэктара філіялу РУП «Белтэлекам» Эдуарда Белакурскага, камэры назіраньня хочуць усталяваць яшчэ да пачатку новага навучальнага году.
«Да 1 верасьня мы ўсталюем камэры больш як у 300 школах і іншых установах адукацыі», — сказаў Эдуард Белакурскі.
Ён таксама дадаў, што «Белтэлекам» ужо абслугоўвае амаль 4 тысячы камэр відэаназіраньня ў Менску і каля 29 тысяч камэр па ўсёй Беларусі. Па словах Белакурскага, у хуткім часе прадпрыемства можа стаць апэратарам Рэспубліканскай сыстэмы маніторынгу грамадзкай бясьпекі.