Як нагадвае БелаПАН, дэкларацыя была прынята 24 траўня — на наступны дзень пасьля таго, як самалёт Ryanair, які ляцеў з Атэнаў у Вільню, вымушана сеў у Менску і былі затрыманыя блогер Раман Пратасевіч і ягоныя сяброўка Сафія Сапега, грамадзянка Расеі.
«Ажыцьцяўляючы гэты акт прымусу, беларускія ўлады паставілі пад пагрозу бясьпеку пасажыраў і экіпажа. Неабходна правесьці міжнароднае расьсьледаваньне гэтага інцыдэнту... Гэта яшчэ адна абуральная спроба беларускіх уладаў прымусіць замаўчаць усе галасы апазыцыі», — гаворыцца ў дэклярацыі ЭЗ.
- Пасьля інцыдэнту з самалётам Ryanair Эўрапейская рада заклікала усіх авіяперавозчыкаў, якія базуюцца ў ЭЗ, пазьбягаць палётаў над Беларусьсю і забараніць палёты беларускіх авіякампаній у краіны ЭЗ. Аднак яшчэ да гэтага шэраг краінаў і асобныя авіякампаніі прынялі рашэньне прыпыніць палёты ў Беларусь і транзыт праз яе тэрыторыю.
- На экстраным пасяджэньні рады Міжнароднай арганізацыі грамадзянскай авіяцыі (ICAO) 27 траўня было прынята рашэньне правесьці расьсьледаваньне інцыдэнту. ICAO павінна падрыхтаваць прамежкавую справаздачу да 25 чэрвеня.
- Рада Эўразьвязу афіцыйна забараніла ўсім беларускім авіяперавозчыкам пралёт над тэрыторыяй Эўразьвязу і доступ у аэрапорты ЭЗ.
- Акрамя таго, 26 траўня Ўкраіна спыніла прамыя авіязносіны з Беларусьсю, 28 траўня — забараніла беларускім самалётам выкарыстоўваць сваю паветраную прастору.
