Свой учынак ён патлумачыў «неадэкватнасьцю» і «людажэрствам» расейскіх праваахоўных органаў. «Заадно гэта дазваляе засьцерагчы блізкіх на нейкі час», — рэзюмаваў апазыцыянэр, дадаўшы, што зьехаў «часова па справах», але не ўдакладніў куды.
На пачатку чэрвеня ў Салаўёва прайшлі ператрусы па справе аб прычыненьні маёмаснай шкоды памяшканьню, якое належала дэпартамэнту гарадзкой маёмасьці Масквы. Па гэтай справе раней былі затрыманыя апазыцыйны палітык Дзьмітрый Гудкоў і яго цётка Ірына Ермалаева. Салаўёў некалі працаваў памочнікам Гудкова.
Раней апазыцыйны палітык, былы дэпутат Дзярждумы Дзьмітрый Гудкоў паведаміў у сацсетках, што зьехаў ва Ўкраіну. На мінулым тыдні ў аўторак Гудкова затрымалі пасьля ператрусаў, якія прайшлі адразу па дзесяці адрасах, да якіх маюць дачыненьне ён і яго блізкія. Палітыку надалі статус падазраванага ў справе, узбуджанай па артыкуле «Прычыненьне матэрыяльнай шкоды ў асабліва буйным памеры шляхам злоўжываньня даверам». Па гэтай жа справе праходзіць родная цётка палітыка Ірына Ермалаева.
Таксама 7 чэрвеня стала вядома пра тое, што Расею пакінуў дэпутат Ліпецкага аблсавету, экс-каардынатар рэгіянальнага аддзяленьня «Адкрытай Расеі» і заснавальнік Фэдэратыўнай партыі Алег Хамуціньнікаў.
Палітык зьбіраўся восеньню зноў ісьці на выбары ў ліпецкі абласны парлямэнт. Аднак, па словах Хамуціньнікава, яму пачалі паступаць адкрытыя пагрозы ад мясцовых уладаў, што ў выпадку ўдзелу ў бліжэйшых выбарах на яго могуць сфабрыкаваць крымінальную справу.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў