У Нацыянальным аэрапорце «Менск» зьдзейсьніў пазаплянавую пасадку самалёт авіякампаніі Ryanair, які ляцеў маршрутам Атэны — Вільня, паведамілі журналістам Onliner у прэс-службе аэрапорту.
Пілёты перадалі паведамленьне аб мінаваньні борту. На месцы працавалі сапэры, інфармацыя пра выбуховае прыстасаваньне не пацьвердзілася. Пасажыраў накіравалі на паўторны надгляд. Каля аэрапорту — зь дзясятак пажарных машын і «хуткая дапамога». Яны хутка правялі і завяршылі праверку, не знайшоўшы сьлядоў выбухоўкі.
