Лінкі ўнівэрсальнага доступу

СБУ назвала Беларусь патэнцыйным саюзьнікам Расеі ў выпадку ўварваньня ўва Ўкраіну


Іван Баканаў, кіраўнік Службы бясьпекі Ўкраіны

Кіраўнік Службы бясьпекі Ўкраіны Іван Баканаў заклікаў не забываць пра Беларусь у выпадку магчымага ўварваньня Расеі на тэрыторыю Украіны

Пра гэта, паведамляе выданьне Reform.by, ён заявіў сёньня на Ўсеўкраінскім форуме «Ўкраіна 30. Бясьпека краіны».

Паводле Баканава, існуе 5 асноўных кірункаў уварваньня. «Але ня варта забываць і пра Беларусь, якая зьяўляецца патэнцыйным саюзьнікам Расейскай Фэдэрацыі, у выпадку калі РФ будзе рэалізоўваць плян уварваньня ва Ўкраіну», — заявіў кіраўнік СБУ.

На яго думку, доказам гэтаму служаць апошнія сумесныя вучэньні Беларусі і Расеі.

Баканаў нагадаў, што Расея павялічыла канцэнтрацыю сваіх войскаў каля межаў з Украінай, і зьвярнуў увагу на тое, што адведзеная была толькі частка войскаў. «Так, сёньня сытуацыя крыху стабілізавалася. Але мы павінныя ўсьведамляць: хоць Расея і адвяла частку сваіх войскаў — пагроза нікуды не дзелася», — заявіў Баканаў.

Прэзыдэнт Украіны Ўладзімір Зяленскі сёньня выказаў меркаваньне, што Расея не наважыцца на поўнамаштабны наступ на Ўкраіну, разумеючы, што такім чынам можа быць разьвязаная новая ўсясьветная вайна.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG