Лінкі ўнівэрсальнага доступу

Падчас сьвяткаваньня Дня перамогі ў Беларусі працягваліся затрыманьні


9 траўня 2021 году ў Менску.
9 траўня 2021 году ў Менску.

Праваабаронцам і валянтэрам вядома пра затрыманьне больш за 10 чалавек.

Сьпіс затрыманых прыводзіць Праваабарончы цэнтар «Вясна».

У Менску на плошчы Перамогі затрымалі актывістку Галіну Лагацкую. Яе даставілі ў Першамайскае РУУС.

Чытачы Tut.by паведамілі пра затрыманьне каля Плошчы перамогі хлопца і дзяўчыны. У пары быў букет гваздзікоў, перавязаны чырвона-белымі стужкамі.

У Менску каля народнага мэмарыялу забітага падчас разгону пратэстаў Аляксандра Тарайкоўскага затрымалі затрымалі жыхара Менска, паведамляе Праваабарончы цэнтар «Вясна». На гэтым месцы ля станцыі мэтро Пушкінская дзяжурыць міліцыя.

У Докшыцах на плошчы Івана Палявога затрымалі чалавека з біноклем, які стаяў воддаль, калі там адбывалася цырымонія ўскладаньня кветак.

У Віцебску затрымалі актывістак Ангеліну Туравец і Руслана Яневіча, ініцыдэнт адбыўся на плошчы Перамогі.

У Бабруйску нібыта за прапаганду нацысцкай сімволікі затрымалі журналіста Ўладземір Рэпіка.

Ён паспеў звязацца з калегамі і паведаміў, што яму інкрымінуецца арт. 19.10 КаАП — «прапаганда або публічнае дэманстраваньне, выраб, распаўсюджваньне нацысцкай сымболікі або атрыбутыкі». Падставай для затрыманьня стаў кароткі відэаролік, разьмешчаны на яго старонцы ў сацсетках. Чакаецца, што суд адбудзецца 10 траўня.

У Гомлі пад час сьвяткавання Дня перамогі ў жывым эфіры быў затрымалі блогера Юрыя Ганцавіча.

9 траўня ў Берасьці затрымалі як мінімум дзвюх чалавек: Мікалая Куско і Марыю Чарвінскую. Пра гэта «Белсату» паведаміла берасьцейская актывістка Алена Гнаўк.

«Учора нашай кампаніяй пайшлі ў Берасьцейскую крэпасьць, дзе ўсклалі кветкі, узгадалі загінулых, а недзе каля 17:00 Мікалая і Марыю акружылі людзі ў чорным і адвялі ў бус», – распавяла Алена Гнаўк.

Цяпер Мікалай і Марыя ў ІЧУ: іх затрымалі на 72 гадзіны. У чым іх абвінавачваюць, невядома.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG