Гомельскі аблвыканкам прыняў рашэньне ўвесьці з 1 чэрвеня збор за перасячэньне на аўтамабілі дзяржаўнай мяжы.
За адзін транспартны сродак давядзецца плаціць 1 базавую велічыню — 29 рублёў. Колькасьць пасажыраў і парамэтры транспартнага сродку на збор не ўплываюць. Рашэньне будзе дзейнічаць да 1 студзеня 2023 году.
Збор тычыцца толькі мяжы з Украінай — у Расею можна ехаць бясплатна.
Збор ня трэба будзе плаціць вэтэранам баявых дзеяньняў, вязьням фашысцкіх канцлягераў, членам афіцыйных дэлегацый, а таксама для паездак
- да блізкіх сваякоў,
- на лячэньне,
- у службовую выправу,
- на пахаваньне блізкіх сваякоў,
- на могілкі да блізкіх сваякоў.
За перасячэньне мяжы ў пунктах спрошчанага пропуску плату браць ня будуць.
У сакавіку рашэньне браць плату за перасячэньне мяжы прынялі ў Горадзенскай вобласьці. Яно мелася набыць моц з траўня, але яшчэ не прайшло ўсіх узгадненьняў.
