Лінкі ўнівэрсальнага доступу

Намесьнік міністра Карпянкоў параўнаў пратэстоўцаў з Усамам бін Ладэнам і яго пасьлядоўнікамі


Мікалай Карпянкоў (у цэнтры)

Намесьнік міністра ўнутраных спраў Беларусі, камандуючы ўнутранымі войскамі Мікалай Карпянкоў у інтэрвію тэлеканалу СТВ заявіў, што беларуская апазыцыя ўсё больш радыкалізуецца і ўсё больш падобная да шалёных сабак.

Такімі словамі Карпянкоў пракамэнтаваў фільм «Убить президента», які ў сераду паказаў тэлеканал АНТ, пра нібыта пляны дзяржперавароту ў Беларусі і замаху на Лукашэнку. Намесьнік міністра назваў фільм «добрым, моцным і магутным».

Паводле Карпянкова, апанэнты ўлады перайшлі рысу і «знаходзяцца цяпер у адным шэрагу па сваіх задумах і сваіх дзеяньнях зь міжнароднымі тэрарыстамі».

«А гэта значыць, што барацьба зь імі будзе ажыцьцяўляцца, як ажыцьцяўляецца барацьба ізраільскімі падразьдзяленьнямі ў адносінах да іх тэрарыстаў, барацьба будзе ажыцьцяўляцца зь імі так, як ажыцьцяўлялася барацьба самай гуманнай дзяржавай у адносінах да Ўсамы бін Ладэна і ягоных пасьлядоўнікаў».

Карпянкоў заявіў, што, як толькі паступіць загад, «дзе б яны ні знаходзіліся, бяз тэрміну даўнасьці — мы іх знойдзем і мы іх зачысьцім». Ён дадаў, што сілавікі ведаюць, дзе знаходзяцца апазыцыянэры, з кім яны маюць зносіны, якая ў іх нерухомасьць і дзе знаходзяцца іх сем’і.

«Я ні на што не намякаю, але калі паступіць загад альбо хто-небудзь зь іх што-небудзь зробіць у адносінах да кіраўніка дзяржавы, чальцоў яго сямʼі, супрацоўнікаў праваахоўных органаў, жонак і дзяцей нашых супрацоўнікаў, наша рэакцыя будзе вокамгненнай і ўдар будзе руйнавальны».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG