У рэанімацыйным аддзяленьні лякарні памёр 17-гадовы жыхар Лунінецкага раёну. Падлетак 23 красавіка абліў сябе гаручай вадкасьцю і падпаліў, паведамляе БелТА.
Па факце магчымага суіцыду міліцыя завяла крымінальную справу паводле ч.2 арт. 145 КК (давядзеньне да самагубства).
Няшчасны выпадак адбыўся ў пятніцу ў аграгарадку Палескі Лунінецкага раёну. Падлетак у закінутым будынку абліў сябе невядомай вадкасьцю і падпаліў. Пачуўшы яго крыкі, аднавяскоўцы прыйшлі на дапамогу, выклікалі хуткую дапамогу. Уратаваць ягонае жыцьцё мэдыкам не ўдалося.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў