Лінкі ўнівэрсальнага доступу

Прызэр Алімпійскіх гульняў Краўчанка абвясьціў галадоўку на знак салідарнасьці з палітвязьнямі


Дзесяціборац Андрэй Краўчанка

Акрамя таго, славуты атлет выставіў на аўкцыён свой залаты мэдаль з чэмпіянату Эўропы ў лёгкай атлетыцы.

Перад пачаткам галадоўкі Андрэй Краўчанка ўзгадаў гісторыю свайго затрыманьня і 10-суткавага арышту, піша Беларускі фонд спартовай салідарнасьці.

«8 лістапада 2020 мяне затрымалі на стаянцы ў цэнтры Менску і дасталі проста з машыны. Памятаю ўдар у скронь, боль ад сьцяжак на руках, 14 гадзін тварам да сьцяны ў РУУС і паездку ў Жодзіна. А для сваіх родных я тады проста зьнік. Чатыры дні ў майго адваката не было ніякай інфармацыі пра тое, дзе я і што са мной».

Калі дэталі і месцазнаходжаньне ўсё ж удалося высьветліць — гэта ня вельмі дапамагло. За ўвесь час знаходжаньня вядомага спартоўца ў Жодзіна ён не атрымаў ніводнай перадачы: ні прадуктаў, ні цёплых рэчаў, ні зубной шчоткі. Акрамя таго, Краўчанка за кратамі захварэў на каранавірус.

Краўчанка патлумачыў, чаму пачаў галадоўку. Яго палохае тое, што арышты ператварыліся ў штодзённасьць. А за кратамі сядзяць сапраўдныя людзі — гэта іх рэальнае жыцьцё, паламаныя жыцьці іх сем’яў.

«Я ведаю, як цяжка зараз сем’ям палітвязьняў. Таму я вырашыў выставіць на аўкцыён свой залаты мэдаль чэмпіянату Эўропы ў памяшканьнях, каб дапамагчы ім. Яна для мяне дарагая — я заваяваў яе, выступаючы з сур’ёзнай траўмай. На разьмінцы перад самым стартам я ледзь не прыняў рашэньне зьняцца са спаборніцтваў, але скрозь боль дайшоў да самага канца і выйграў. Тады было балюча. Але ў сто разоў больш балюча цяпер. Менавіта таму я таксама ў знак салідарнасьці з палітвязьнямі вырашыў абвясьціць 10-дзённую галадоўку».

Краўчанка адзначыў, што не заклікае нікога сьледаваць ягонаму прыкладу галадоўкі, але яму самому ўжо «цяжка пераварыць гэтую жахлівую беларускую рэчаіснасьць».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG