Мядзьведзеў напісаў пра гэта на сайце агенцтва «РИА Новости».
Паводле Мядзьведзева, у эпоху халоднай вайны сьвет ад сапраўднай вайны ратавала ўсьведамленьне ў Вашынгтоне, што вайсковая моц СССР ня меншая, чым моц ЗША. Гэта, на думку былога расейскага прэм’ер-міністра і прэзыдэнта, паказаў Карыбскі крызіс і марская блякада Кубы савецкімі караблямі.
«Але сёньня сытуацыя крыху іншая: ЗША скаціліся ў нестабільную зьнешнюю палітыку. Гэта выявілася і ў адмове ад ядзернай зьдзелкі з Іранам. У выхадзе з Дамовы аб адкрытым небе і з шэрагу іншых. А ў цяперашні момант — і ў рыторыцы новага прэзыдэнта», — адзначыў Мядзьведзеў.
«Новая адміністрацыя ЗША, аднаўляючы сваё становішча сусьветнага кіраўніка і абаронцы калектыўнага Захаду (прычым паралельна пераконваючы ў гэтым саміх сябе), ня мае сілы духу прызнаць, што нехта ў сьвеце можа валодаць інфраструктурнымі магчымасьцямі і вайскова-палітычным патэнцыялам, супастаўнымі зь імі. Напрыклад, Кітай або Расея», — падкрэсьліў Мядзьведзеў.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў