Лінкі ўнівэрсальнага доступу

У Менску зьявілася алея памяці мэдыкаў, якія загінулі ад каранавірусу. ФОТА


Айцец Юры Санько (ў цэнтры) з удзельнікамі закладкі алеі памяці лекараў-ахвяр каранавірусу

Алею заклалі на Залатой Горцы, на цьвінтары касьцёлу сьвятога Роха.

Вернікі разам з пробашчам парафіі ксяндзом канонікам Юрыем Санько высадзілі алею з сотні кустоў бэзу. Паводле Catholic.by, колькасьць кустоў прыблізна роўная колькасьці лекараў, якія аддалі жыцьцё ў час барацьбы з пандэміяй.

У парафіі дадаюць, што моляцца за памерлых мэдыкаў і спадзяюцца, што алея дапаможа захаваць памяць пра тых, хто выратаваў тысячы жыцьцяў цаной уласнага жыцьця.

Сьвяты Рох, імя якога носіць касьцёл, лічыцца апекуном хворых, лекараў і шпіталёў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG