Міністэрства ўнутраных спраў патлумачыла, што гэта было.
«Сёньня на інтэрнэт-рэсурсах зьявілася інфармацыя аб канцэнтрацыі экіпаваных групаў сілавікоў у розных раёнах Менску і перамяшчэньні калёнаў спэцтэхнікі. Гэта штогадовыя плянавыя практычныя заняткі для адпрацоўкі дзеяньняў у розных умовах. Такія мерапрыемствы — частка навучальнага працэсу курсантаў Акадэміі МУС», — гаворыцца ў паведаменьні сілавога ведамства.
Удакладняецца, што вучэньні праводзяцца ва ўзаемадзеяньні з ўнутранымі войскамі і іншымі падразьдзяленьнямі органаў унутраных спраў.
У мінулыя гады менчукі падобных манэўраў ня памятаюць. Аднак ад жніўня мінулага году сілавікі практычна не пакідалі гораду, разганяючы мірныя пратэсты супраць фальсыфікацыі выбараў і беспадстаўнага гвалту.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў