Унясеньне зьменаў у канстытуцыю Кіргізстану ўхвалілі 79,31% выбарнікаў. Адпаведныя дадзеныя разьмешчаныя на інфармацыйным партале ЦВК краіны пасьля падліку 89,97% галасоў. Супраць зьменаў прагаласавала 13,68% выбарнікаў.
Рэфэрэндум адбыўся, бо ўдзел перавысіў неабходны парог 30%.
Прапанаваныя зьмены асноўнага закону, якія былі распрацаваныя ўдзельнікамі канстытуцыйнай нарады, прадугледжваюць значнае пашырэньне паўнамоцтваў прэзыдэнта, памяншэньне правоў парлямэнту і скарачэньне колькасьці дэпутатаў з 120 да 90 чалавек.
Кіраўнік дзяржавы ў выпадку станоўчага выніку галасаваньня атрымае поўны кантроль над урадам, улучна з магчымасьцю прызначэньня і звальненьня міністраў.