Лінкі ўнівэрсальнага доступу

Урад Славаччыны сышоў у адстаўку за намер купіць вакцыну «Sputnik V»


Ігар Матавіч

Прэм’ер-міністар Славаччыны Ігар Матавіч і яго ўрад сышлі ў адстаўку, каб зьмякчыць палітычны крызіс, выкліканы таямнічай зьдзелкай у справе закупкі расейскай вакцыны ад каранавірусу «Sputnik V», піша Голас Амэрыкі.

Гэта першы эўрапейскі ўрад, які скрахаваў праз сытуацыю з пандэміяй, але адстаўка дазваляе захаваць ва ўладзе цяперашнюю кааліцыю з чатырох партый і пазьбегнуць датэрміновых выбараў.

Прэзыдэнт Зузана Чапутава прыняла адстаўку прэм’ер-міністра і папрасіла Эдуарда Хэгера з партыі Матавіча «Звычайныя людзі» сфармаваць новы ўрад.

Крызіс узьнік, калі ў пачатку сакавіка ўсплыла інфармацыя аб сакрэтнай зьдзелцы, якая ўключала згоду Славаччыны закупіць 2 мільёны доз расійскай вакцыны ад COVID-19 «Sputnik V».

Папулісцкі прэм’ер-міністар арганізаваў зьдзелку, нягледзячы на рознагалосьсі паміж партнэрамі па кааліцыі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG