Лінкі ўнівэрсальнага доступу

Сілавікі ў М’янме сёньня забілі больш за 100 пратэстоўцаў


Пратэсты ў М'янме

Сілы бясьпекі Мʼянмы забілі 114 чалавек, у тым ліку некалькіх дзяцей, падчас падаўленьня маніфэстацыяў пратэсту ў суботу.

Пра гэта паведамляе агенцтва Reuters.

Гэта самая вялікая колькасьць ахвяраў за адзін дзень з пачатку вайсковага перавароту.

Забойствы, якія адбыліся ў Дзень узброеных сіл, выклікалі рэзкую крытыку з боку заходніх краінаў. Амбасадар Вялікай Брытаніі заявіў, што сілы бясьпекі «зганьбілі сябе», і амбасадар ЗША назваў гвалт жахлівым.

Вайсковыя самалёты таксама нанесьлі авіяўдары па вёсцы, кантраляванай узброенай групоўкай этнічнай меншасьці карэн, загінулі як мінімум два чалавекі.

лідэр хунты Мін Аун Хлайн падчас параду з нагоды Дня ўзброеных сілаў заявіў, што вайскоўцы будуць абараняць людзей і імкнуцца да дэмакратыі.

У суботу дэманстранты выйшлі на вуліцы ў Янгоне, Мандалаі і іншых гарадах, як гэта адбываецца амаль штодня з моманту перавароту 1 лютага, які зрынуў абранага лідэра Аун Сан Су Чы.

Па меншай меры 40 чалавек, у тым ліку 13-гадовая дзяўчынка, былі забітыя ў Мандалаі, і як мінімум 27 чалавек былі забітыя ў Янгоне. Яшчэ адзін 13-гадовы хлопчык быў сярод загінулых у цэнтральнай вобласьці Сагаінг.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG