Лінкі ўнівэрсальнага доступу

Біскуп Касабуцкі заклікаў у дзень Зьвеставаньня маліцца за Беларусь, палітвязьняў і ўвесь беларускі народ


Біскуп Юры Касабуцкі, генэральны вікарый Менска-Магілёўскай архідыяцэзіі, зьвярнуўся да вернікаў на сваёй старонцы ў Фэйсбуку з нагоды ўрачыстасьці Зьвеставаньня, якую 25 сакавіка адзначае каталіцкая царква

Біскуп піша, што вестка пра беззаганнае зачацьце Хрыста, якую ў гэты дзень Марыі прынёс анёл, пачынае «новую старонку ў гісторыі збаўленьня. Для Марыі распачынаецца час шматлікіх пакутаў і выпрабаваньняў...

Прайшло шмат гадоў...

25 сакавіка 1918 году была абвешчана Беларуская Народная Рэспубліка. Гэта адгарнула новую старонку ў гісторыі нашага народу. І хоць БНР праіснавала ў тым выглядзе вельмі кароткі пэрыяд часу, для нас, беларусаў, гэта знакамітая дата.

25 сакавіка — гэта дзень асаблівай малітвы за нашу Бацькаўшчыну, за Беларусь.

Мы молімся за наш шматпакутны народ, аб спыненьні палітычных рэпрэсій, якія ахапілі нашу краіну, калі кожны дзень мы чуем зьвесткі аб чарговых арыштах, прысудах і іншых формах перасьледу грамадзян за іх погляды і грамадзянскую пазыцыю. Мы молімся аб спыненьні насільля супраць нашага народу ў нашай роднай Беларусі.

Мы молімся аб еднасьці, салідарнасьці, узаемапавазе і ўзаемападтрымцы паміж усімі жыхарамі нашай краіны, розных нацыянальнасьцей, поглядаў, рэлігійных перакананьняў... Мы адна нацыя, імя якой — «беларускі народ».

Я асабіста буду маліцца ў гэты дзень за наш народ, за палітвязьняў, якія знаходзяцца за кратамі (я не пералічваю пайменна, але ахопліваю малітоўнай памяцьцю ўсіх без выключэньня), за ўсіх тых, хто патрабуе Божай дапамогі...

МАЛІЦЕСЯ ЗА БЕЛАРУСЬ І НАШ НАРОД!»

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG