Лінкі ўнівэрсальнага доступу

Лукашэнка адрэагаваў на фільм Nexta: «У мяне няма „залатога дна“, гэта карцінкі»


Аляксандар Лукашэнка на гарбарні ў Гатаве

23 сакавіка на гарбарні ў Гатаве Аляксандар Лукашэнка заявіў, што ў яго няма «залатога дна».

«Паверце, я ніколі асабістых інтарэсаў не прадʼяўляў. У мяне няма „залатога дна“, няма нічога — усё гэта хлусьня, гэта карцінкі. У мяне было толькі адно: каб простыя людзі мелі нешта ад нашых праектаў. І другое — дзяржава. Мы адбыліся як дзяржава. Я не магу яе ўгробіць. Вось мае інтарэсы».

Гэта ён сказаў на гарбарным заводзе ў пасёлку Гатава пад Менскам.

8 сакавіка на YouTube-канале Nexta адбылася прэмʼера фільму «Лукашэнка. Залатое дно». У паўтарагадзінным відэа расказваюць пра шматлікія рэзыдэнцыі Лукашэнкі — як афіцыйныя, так і «падораныя» блізкімі бізнэсоўцамі. Таксама апісаны аўтапарк, якім ён карыстаецца, з машынамі за сотні тысяч і нават мільёны даляраў, у тым ліку і рэтра-аўтамабілі. Асобны фрагмэнт фільму тычыцца авіяпарку — некалькі самалётаў і гелікоптэр.

Фільм набраў больш за 6 мільёнаў праглядаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG