Лінкі ўнівэрсальнага доступу

Бел-чырвона-белыя сьцягі над дзяржаўнымі ўстановамі і на жылых дамах. Новы ролік Mr. Freeman. ВІДЭА


Стваральнікі Mr. Freeman

Стваральнікі праекту Mr. Freeman выпусьцілі відэаролік у падтрымку прыхільнікаў пераменаў у Беларусі.

Як адзначаюць стваральнікі ў прадмове, частка каманды Freeman і студыі Toonbox жыве і працуе ў Беларусі. А таму ўважліва сочыць за тым, што адбываецца ў краіне, і падтрымлівае свабоду слова, свабоду сходаў, сумленныя выбары і іншыя «простыя чалавечыя свабоды».

Стваральнікі праекту адзначаюць, што ім вельмі балюча глядзець на тое, што адбываецца ў «небагатай, але надзіва стойкай краіне». Падзеі ў Беларусі ў апошнія месяцы яны назвалі «бессаромнай узурпацыяй улады на крыві...»

Mr. Freeman (англ. «Спадар Свабодны Чалавек») — анімацыйны пэрсанаж і аднайменны вэб-сэрыял, які зьявіўся на YouTube ў верасьні 2009 году і заваяваў значную папулярнасьць у расейскамоўным сэгмэнце інтэрнэту, у тым ліку сярод беларускіх карыстальнікаў.

Праект мае 1,45 млн падпісчыкаў. У кадры Mr. Freeman прамаўляе маналёгі, якія крытыкуюць лад жыцьця сучаснага абываталя. Пэрсанажа агучвае актор Вадзім Дземчаг, над стварэньнем сэрыялу працуе адмысловая творчая група.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG