Лінкі ўнівэрсальнага доступу

ААН: Пандэмія паглыбіла праблему дыскрымінацыі паводле ўзросту


Лягатып ААН

Пандэмія COVID-19 узмацніла дыскрымінацыю паводле ўзросту — праблему, якая ўжо была шырока распаўсюджаная ва ўсім сьвеце, заявіла Арганізацыя Аб’яднаных Нацый 18 сакавіка.

У сумеснай справаздачы чатыры ўстановы ААН заявілі, што дыскрымінацыя, зьвязаная з узростам (эйджызм), тычыцца ня толькі пажылых людзей.

«Эйджызм шырока распаўсюджаны ва ўстановах, законах і палітыцы ва ўсім сьвеце. Ён шкодзіць здароўю і годнасьці людзей, а таксама эканоміцы і грамадзтву», — заявіў генэральны сакратар ААН Антонію Ґутэрыш.

Паводле яго, стэрэатыпы, прадузятасьць і дыскрымінацыя па ўзросьце толькі ўзмацніліся з прычыны пандэміі COVID-19, якая нанесла значны ўдар па людзях старога ўзросту.

Асабліва на працоўных месцах як маладыя, так і пажылыя людзі могуць апынуцца ў менш выгодным становішчы ў сілу свайго ўзросту, дадаў Ґутэрыш. Паводле дадзеных ААН, гэтая праблема, што таксама праяўляецца ў сфэрах аховы здароўя і сацыяльнай дапамогі, СМІ і ў прававых сыстэмах, мае наступствы, якія далёка ідуць.

«Старых часта ўспрымаюць як пагалоўна слабых і ўразьлівых, тады як маладых людзей малююць як няўразьлівых ці як безадказных», — заявілі аўтары справаздачы.

«Нам давядзецца змагацца з эйджызмам падчас і пасьля гэтага крызісу, калі мы хочам ўсюды забясьпечыць здароўе, дабрабыт і годнасьць людзей», — гаворыцца ў справаздачы.

Даклад падрыхтаваны Сусьветнай арганізацыяй здароўя (САЗ), Упраўленьнем правоў чалавека ААН, Дэпартамэнтам эканамічных і сацыяльных пытаньняў ААН і Фондам народанасельніцтва ААН.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG