Лінкі ўнівэрсальнага доступу

«Пошту ўзламалі, рассылаюць дурныя лісты». Давыдзька пра ініцыятыву «адстаўкі Лукашэнкі»


Генадзь Даыдзька на суботніку ў Курапатах, 2018 год

17 сакавіка незалежныя мэдыя атрымалі ліст ад дэпутата Палаты прадстаўнікоў, кіраўніка праўладнага аб’яднаньня «Белая Русь» Генадзя Давыдзькі, у якім ён заклікае парлямэнтароў датэрмінова вызваліць Аляксандра Лукашэнку ад пасады.

У камэнтары парталу Tut.by Генадзь Давыдзька заявіў, што ягоную пошту ўзламалі і цяпер рассылаюць «дурныя лісты».

«Як дэпутат і грамадзянін я не магу спакойна глядзець на тое, што адбываецца ў краіне. Бачу, што жыцьцё ў Беларусі, на мой глыбокі жаль, пагаршаецца. І як бы я ні падтрымліваў Аляксандра Рыгоравіча, вымушаны прызнаць: краіна рухаецца не туды. Таму заклікаю сваіх калег па Палаце прадстаўнікоў датэрмінова вызваліць Аляксандра Лукашэнку ад пасады», — гаворыцца ў лісьце.

Ад ягонага імя ўдакладняецца, што ўжо ініцыявана стварэньне адмысловай камісіі, якая «зробіць заключэньне аб няздольнасьці Лукашэнкі ажыцьцяўляць абавязкі прэзыдэнта», а таксама накіраваны ліст у Сьледчы камітэт.

«Хтосьці ўзламаў пошту і ад майго імя рассылае гэтыя дурныя лісты. Вам, магчыма, гэта падабаецца, таму што палітыка вашага рэсурсу накіравана на зьвяржэньне дзяржаўнай улады. Але я адказваю, як ёсьць на самой справе: натуральна, я такога ліста не рабіў», — сказаў Генадзь Давыдзька ў размове з Tut.by.

У Палаце прадстаўнікоў журналістам таксама сказалі, што згаданы ліст — фэйк і абсурд, ні пра якую камісію пытаньне не ўздымалася.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG