Лінкі ўнівэрсальнага доступу

468 крымінальных спраў супраць 631 асобы — статыстыка перасьледу пасьля прэзыдэнцкіх выбараў. Спраў за катаваньні няма


Генпракуратура

У Генпракуратуры паведамілі колькасьць крымінальных справаў, зьвязаных з абразамі і гвалтам супраць сілавікоў, хуліганствам і апаганьваньнем маёмасьці.

Больш за 400 чалавек ужо асудзілі, паведамляе прэс-служба ведамства.

Па стане на сярэдзіну сакавіка пракуроры накіравалі ў суды 468 крымінальных спраў у дачыненьні 631 асобы.

Справы зьвязаныя з удзелам у «незаконных масавых мерапрыемствах і дзеяньнях, якія груба парушаюць грамадзкі парадак, гвалтам і пагрозай яго прымяненьня да прадстаўнікоў праваахоўнага блёку, іх публічнай абразай, апаганеньнем надпісамі чужой маёмасьці, хуліганствам, зьдзекам зь дзяржаўнай сымболікі».

У Генпракуратуры сказалі, што «апэратыўнае вызначэньне грамадзян» праводзіцца ў тым ліку пры дапамозе аўтаматызаванага абсталяваньня і спэцыялізаванага праграмнага забесьпячэньня.

Пры гэтым пасьля выбараў 9 жніўня на сілавікоў не завялі ніводнай крымінальнай справы за перавышэньне паўнамоцтваў і катаваньні, а таксама па факту сьмерцяў падчас разгонаў пратэстаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG