Як паведамляе афіцыйны сайт Аляксандра Лукашэнкі, акрамя прэм'ер-міністра, старшыняў абедзьвюх палат парлямэнту, кіраўніка Адміністрацыі прэзыдэнта і дзяржсакратара, сярод сталых чальцоў Савету бясьпекі таксама будуць міністры ўнутраных спраў, абароны і кіраўнік КДБ.
Паводле ўказу, у Савет бясьпекі таксама ўваходзяць старшыні Вярхоўнага суду, Камітэту дзяржаўнага кантролю, праўленьня Нацыянальнага банку, Сьледчага камітэту, Дзяржаўнага ваенна-прамысловага камітэту, Дзяржаўнага памежнага камітэту, генэральны пракурор, міністры замежных спраў, фінансаў, надзвычайных сытуацый, начальнік Генэральнага штабу Ўзброеных сіл – першы намесьнік міністра абароны.
Узначальвае Савет бясьпекі Аляксандар Лукашэнка. Раней у Савет бясьпекі ўваходзіў таксама ягоны старэйшы сын Віктар, які меў пасаду пасаду памочніка прэзыдэнта ў нацыянальнай бясьпецы. Аднак 26 лютага Аляксандар Лукашэнка пазбавіў сына гэтай пасады.
