Лінкі ўнівэрсальнага доступу

Міністар унутраных спраў Кубракоў паскардзіўся на пагрозы сям’і і надпісы ў пад’езьдзе


Іван Кубракоў, міністар унутраных спраў.
Іван Кубракоў, міністар унутраных спраў.

Іван Кубракоў заявіў пра цкаваньне з боку беларусаў.

У жніўні 2020 году яго сям’я, па яго словах, апынулася пад атакай грамадзтва. Тады Іван Кубракоў узначальваў менскую міліцыю, піша «СБ».

«Я і мая сям’я падвяргаліся ціску. Была спроба ўплыву на дзіця ў школе. Таксама пагражалі спаліць машыну, пісалі рознае ў пад’езьдзе, на паштовай скрыні, пакідалі запіскі і гэтак далей».

Па словах Кубракова, яго 12-гадовая дачка «перажывала, але не баялася». І ў жніўні ішла ў школу сама, хоць бацька прапаноўваў правесьці яе ў школу.

Раней пра цкаваньні і пагрозы заяўлялі міністар замежных спраў Уладзімер Макей са сваёй жонкай і шэраг міліцыянтаў.

За напады на мірных пратэстоўцаў і іншыя дзеяньні, зьвязаныя зь іх сьмерцямі і катаваньнямі, на сілавікоў пасьля 9 жніўня не завялі ніводнай крымінальнай справы. Колькасьць асуджаных пратэстоўцаў на канец лютага складае каля 160 чалавек. Некалькіх чалавек асудзілі па крымінальных артыкулах за абразу Лукашэнкі і пагрозы сілавікам і іх сем’ям.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG