Лінкі ўнівэрсальнага доступу

Украіна на пасяджэньні ў ААН зьвярнулася да ўладаў Беларусі і Расеі


Эмінэ Джапарава

Першая намесьніца міністра замежных справаў Украіны Эмінэ Джапарава, выступаючы ў часе абмеркаваньня справаздачы Вярхоўнага камісара ААН па правах чалавека Мішэль Бачэлет аб сытуацыі ў Беларусі, заявіла аб падтрымцы жаданьняў беларускага народу да дэмакратычных зьменаў.

«Украіна заклікае Менск нарэшце пачуць голас людзей, забясьпечыць справядлівасьць і эфэктыўныя сродкі абароны ахвяр», – заявіла Эмінэ Джапарава.

Як паведамілі ў прэсавай службе МЗС Украіны, Эмінэ Джапарава таксама асудзіла «праявы дэструктыўнай ролі Расеі, у прыватнасьці, узурпацыю інфармацыйнай прасторы Беларусі».

«Украіна чарговы раз засьцерагае Расейскую Фэдэрацыю ад умяшаньня ва ўнутраныя справы Беларусі», — падкрэсьліла прадстаўніца МЗС Украіны і пацьвердзіла гатоўнасьць афіцыйнага Кіева падтрымліваць міжнародныя намаганьні дапамагчы Беларусі ў вырашэньні цяперашніх выклікаў.

Паводле МЗС Украіны, большасьць дэлегацый, якія ўдзельнічалі ў абмеркаваньні справаздачы, выказаліся за неабходнасьць падоўжыць маніторынг выкананьня правоў чалавека ў Беларусі, паколькі рэпрэсіі ўзмацніліся.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG