Лінкі ўнівэрсальнага доступу

Працэс Бабарыкі адклалі праз хваробу аднаго з членаў суду

абноўлена

Віктар Бабарыка ў судзе, 17 лютага

Перанос зьвязаны з хваробай аднаго з членаў складу суду, — паведаміла прэсавая сакратарка Вярхоўнага суду Юлія Ляскова «Інтэрфаксу». Працэс мае аднавіцца не пазьней як праз два тыдні.

У папярэднія дні на працэсе зачытвалі абвінавачаньні Віктару Бабарыку ды іншым фігурантам справы.

Што такое «справа Белгазпрамбанку»

У «справе Белгазпрамбанку» праходзяць восем фігурантаў, сярод якіх топ-мэнэджары банку. Віктар Бабарыка абвінавачваецца ў «адмываньні» сродкаў, атрыманых злачынным шляхам, паводле арт. 235, ч. 2 Крымінальнага кодэксу, і атрыманьні хабару ў асабліва буйным памеры паводле арт. 430, ч. 3 (прадугледжана пакараньне ад 5 да 15 гадоў).

Топ-мэнэджары банку Аляксей Задойка, Кірыл Бадзей, Сяргей Шабан, Дзьмітрый Кузьміч, Аляксандар Ільясюк, Сяргей Дабралёт абвінавачваюцца ў атрыманьні хабару ў асабліва буйным памеры. Віктар Кабяк, заснавальнік кампаніі «Актыўлізінг», абвінавачваецца ў даваньні хабару паўторна або ў буйным памеры.

З Бадзеем, Дабралётам, Кузьмічом, Ільясюком, Шабаном, Кабяком заключаны дасудовыя пагадненьні аб супрацоўніцтве.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG