Лінкі ўнівэрсальнага доступу

Беларусь падала заяўку на набыцьцё новых расейскіх аўтаматаў АК-12


Ілюстрацыйнае фота.
Ілюстрацыйнае фота.

Пакуль размова ідзе толькі пра пробную партыю аўтаматаў з рэгуляванай даўжынёй прыкладу.

Беларусь плянуе купіць партыю новых расейскіх аўтаматаў АК-12, паведамілі «РИА Новости» ў прэс-службе канцэрну «Калашнікаў» на міжнароднай выставе зброі IDEX-2021, якая праходзіць у сталіцы Аб’яднаных Арабскіх Эміратаў Абу-Дабі.

«З-за таго што ў АК-12 выкарыстоўваецца патрон калібру 5,45 на 39 мм, цікавасьць да яго праяўляюць тыя краіны блізкага замежжа, дзе гэты калібр стаіць на ўзбраеньні. Невялікія партыі былі пастаўленыя ў Казахстан і Армэнію, цяпер цікавасьць да набыцьця невялікай партыі для выпрабаваньняў праяўляе Беларусь», — сказалі ў канцэрне.

АК-12 раней прыняла на ўзбраеньне Міністэрства абароны Расеі, пастаўкі аўтаматаў туды пачаліся ў 2018 годзе. Па выніках вайсковай эксплюатацыі ў аўтамат унесьлі зьмены — АК-12 атрымаў больш эрганамічны, палегчаны і рэгуляваны па даўжыні прыклад, новую дзяржальню кіраваньня агнём са спускавым клямарам, удасканалены прыцэл.

Аўтамат мае прыцэльную далёкасьць 800 мэтраў і магазін ёмістасьцю 30 патронаў, мае павышаны рэсурс рулі і палепшаную кучнасьць стральбы.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG