Лінкі ўнівэрсальнага доступу

Экспэрты САЗ ня здолелі вызначыць прычыну пачатку эпідэміі COVID-19


Кіраўнік місіі САЗ Пітэр Бэн Эмбарэк
Кіраўнік місіі САЗ Пітэр Бэн Эмбарэк

Экспэрты Сусьветнай арганізацыі здароўя (САЗ), якія працавалі ў кітайскім горадзе Ўхань, не змаглі ўсталяваць дакладную прычыну пачатку эпідэмі каранавіруснай інфэкцыі ў канцы 2019 году.

Як заявіў на прэс-канфэрэнцыі кіраўнік місіі Пітэр Бэн Эмбарэк, найбольш верагодная гіпотэза аб паходжаньні каранавірусу — перадача ад жывёлы да чалавека праз прамежкавае зьвяно. Пры гэтым ён ня выключыў, што гаворка магла ісьці аб перадачы віруса праз паверхню замарожаных прадуктаў харчаваньня. Гэтую вэрсію выказвалі ў якасьці адной з магчымых прадстаўнікі кітайскіх уладаў.

Гіпотэзу аб тым, што эпідэмія пачалася пасьля ўцечкі вірусу зь лябараторыі, экспэрт назваў вельмі малаверагоднай. Таксама малаверагодная і перадача вірусу ад лятучай мышы наўпрост чалавеку.


У дзікай прыродзе каранавірус, які выклікае ў чалавека захворваньне COVID-19, пакуль ня быў знойдзены, хоць падобныя па структуры раней выяўляліся ў лятучых мышэй і пангалінаў.

Таксама ў экспэртаў няма сьведчаньняў зьяўленьня каранавірусу на рынку «Хуанань» ва Ўхані раней за сьнежань 2019 году, калі ён упершыню быў выяўлены ў работнікаў гэтага рынку.

Па словах экспэртаў, магчымыя пошукі прычынаў зьяўленьня каранавірусу ў чалавечай папуляцыі могуць заняць гады.

  • Успышка каранавірусной інфэкцыі новага тыпу, зафіксаваная ва Ўхані, нягледзячы на прынятыя ўладамі меры, перарасла ў пандэмію. На дадзены момант інфэкцыю перанесьлі больш за 100 мільёнаў чалавек па ўсім сьвеце, больш за 2 мільёны памерлі. Сама хвароба і карантынныя меры, якія ўводзяцца для яе стрымліваньня, сур’ёзна ўдарылі па эканоміцы многіх краінаў. Пры гэтым у самім Кітаі ўзровень захворваньня вельмі нізкі, і абмежаваньні ўводзяцца толькі кропкава.
  • Наконт паходжаньня каранавірусу зьявілася мноства непацьверджаных гіпотэз, якія выказвалі і палітыкі з розных краінаў, у тым ліку з ЗША і Кітаю. Большасьць навукоўцаў яшчэ да паездкі місіі СААЗ прытрымліваліся думкі, што вірус перайшоў на чалавека зь дзікай жывёліны празь нейкае прамежкавае зьвяно, але адназначных доказаў гэтай гіпотэзы няма.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG