Абаліньш патлумачыў, што рашэньне было прынятае з прычыны адсутнасьці ў краіне афіцыйных прадстаўнікоў гэтых каналаў. Гэткая сытуацыя, дадаў ён, не дазваляе ўладам высьветліць думку ўладальнікаў каналаў адносна жаданьня працягнуць вяшчаньне на тэрыторыі Латвіі.
У сьпіс тэлеканалаў, якім з 10 лютага забаронена рэтрансьляцыя ў Латвіі, трапілі: REN TV Baltic, НТВ МІР Baltic, Karusel International, «НТВ Сериал», «НТВ Стиль», «НТВ Право», «Киномикс», «Наше новое кино», «Родное кино», «Индийское кино», «Кинокомедия», «КВН ТВ», «Кухня ТВ», «Бокс ТВ» і HD Life.
Днём раней Абаліньш паведаміў, што NEPLP забараніла трансьляцыю каналу «Россия РТР», канстатаваўшы «распальваньне нянавісьці» ў перадачы «60 хвілін» на гэтым тэлеканале.
