Лінкі ўнівэрсальнага доступу

У Латвіі на год забаранілі тэлеканал «Россия РТР»


Ілюстрацыйнае фота

Нацыянальная рада электронных СМІ Латвіі (NEPLP) 8 лютага вырашыла на год забараніць трансьляцыю каналу «Россия РТР» на тэрыторыі Латвіі, паведаміў старшыня праўленьня NEPLP Івар Абаліньш.

Рашэньне ўступіць у сілу 15 лютага.

«Мы сваю інфармацыйную прастору абаранялі, абараняем і будзем абараняць», — цытуе Абаліньша сайт Delfi.lv.

Улетку NEPLP канстатавала распальваньне нянавісьці ў перадачы «60 хвілін» на гэтым тэлеканале і пачала працэс абмежаваньня. Удзельнікі праграмы, а таксама вядоўца Вольга Скабеева ў размове пра Ўкраіну выкарыстоўвалі выразы, якія расцэньваюцца як hate speech.

У прыватнасьці, Украіна была названая тэрарыстычным дзяржавай, а яе былы прэзыдэнт Пятро Парашэнка — тэрарыстам. У ходзе дыскусіі вядоўца прапанавала ўвесьці на тэрыторыю Ўкраіны расейскія войскі, каб уціхамірыць абодва бакі канфлікту.

Гэта ня першы раз, калі NEPLP абмяжоўвае рэтрансьляцыю «Россия РТР» у Латвіі. У студзені 2019 году яе забаранілі на тры месяцы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG