Лінкі ўнівэрсальнага доступу

У Жлобіне асудзілі трох работнікаў БМЗ за спробу страйку


Беларускі мэталюргічны завод

1 лютага суд у Жлобіне прыйшоў да высновы, што віна траіх абвінавачаных даказаная цалкам.

Ігара Поварава асудзілі на тры гады калёніі, Аляксандра Баброва і Яўгена Говара на два з паловай гады калёніі.

Як выводзілі з залі асуджаных за спробу страйку работнікаў БМЗ
пачакайце

No media source currently available

0:00 0:01:02 0:00

Вырак вынес судзьдзя Яўген Ерафееў. Дзяржаўны абвінаваўца Андрэй Аношка патрабаваў для падсудных па 3 гады пазбаўленьня волі кожнаму.

Работнікаў Беларускага мэталюргічнага заводу Ігара Поварава, Аляксандра Баброва і Яўгена Говара судзілі за падзеі 17 жніўня, калі яны спрабавалі пачаць страйк. Тады спынілася праца ўсіх трох печаў на прадпрыемстве.

На знак пратэсту супраць фальсыфікацыі выбараў і міліцэйскага гвалту яны разам зь іншымі працаўнікамі перакрылі дарогу для тэхналягічнага транспарту на заводзе.

На сустрэчы з працоўнымі 17 жніўня кіраўніцтва абяцала, што нікога ня будзе караць. Але пазьней Сьледчы камітэт завёў крымінальную справу за «арганізацыю і правядзеньне незаконных групавых дзеяньняў, якія груба парушаюць грамадзкі парадак і спалучаныя зь відавочным непадпарадкаваньнем законным патрабаваньням прадстаўнікоў улады» (артыкул 342 Крымінальнага кодэксу).

Крымінальную справу ў дачыненьні яшчэ да аднаго рабочага — Паўла Магідава — вылучылі ў асобную вытворчасьць. Магідаў, грамадзянін Расеі, вымушана зьехаў за мяжу.

Гэтая публікацыя падрыхтавана з выкарыстаньнем інфармацыі БелаПАН.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG