26 студзеня валянтэры Праваабарончага цэнтру «Вясна» назіралі за 36 судовымі працэсамі. 20 чалавек на іх пакаралі адміністрацыйным арыштам. Агулам атрымалася 345 дзён арышту.
- 13 чалавек асудзілі на 15 сутак;
- 5 чалавек, акрамя арт. 23.34 КаАП (удзел у несанкцыянаванай акцыі), асудзілі яшчэ і паводле арт. 23.4 КаАП (непадпарадкаваньне), таму ў няволі яны будуць 25 дзён;
- па адным чалавеку атрымалі, адпаведна, 13 і 12 содняў арышту.
11 чалавек 26 студзеня аштрафавалі. У тым ліку тры пэнсіянэркі атрымалі па 725 рублёў штрафу. Агульная сума склала амаль 5 тысяч даляраў у эквіваленце, 12 035 беларускіх рублёў.
У некалькіх выпадках судзьдзі накіравалі справы на дапрацоўку, пасьля чаго затрыманыя выйшлі на волю па заканчэньні 72 гадзін.
