Лінкі ўнівэрсальнага доступу

Лукашэнка больш не стэлефаноўваецца з Казахстанам і Ўкраінай


Тэлефон, ілюстратыўнае фота

Паглядзелі, як зьмяніліся афіцыйныя тэлефонныя размовы Лукашэнкі пасьля выбараў.

З 9 жніўня і да канца году Лукашэнка 8 разоў праводзіў тэлефонныя размовы з Пуціным ды іншымі кіраўнікамі Расеі. У мінулым годзе за такі ж пэрыяд размоваў было толькі 5, і гэта нягледзячы на спрэчкі вакол цаны на нафту і газ для Беларусі.

Апроч Расеі, Лукашэнка гаварыў пасьля выбараў зь лідэрамі Таджыкістану (4 разы), Армэніі (3 разы), Азэрбайджану (2 разы), Узбэкістану (1 раз).

Адбылася і тэлефонная размова зь дзяржсакратаром ЗША Майкам Пампэо. Яна тычылася вызваленьня грамадзяніна ЗША, палітоляга Віталя Шклярава.

У 2019 годзе са жніўня па канец году Лукашэнка, апроч Пуціна, сазвоньваўся зь лідэрамі Казахстану (2 разы), Таджыкістану (2 разы), Узбэкістану (1 раз). У 2020-м не было ніводнай размовы з Казахстанам, хоць раней яны здараліся часта.

Калі браць усе званкі Лукашэнкі за 10 гадоў, то бачна, што найбольш ён сазвоньваўся з кіраўніцтвам Расеі (36 разоў), Украіны (11 разоў), Казахстану (10 разоў). У 2020-м пасьля выбараў размовы з Украінай і Казахстанам спыніліся.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG