Лінкі ўнівэрсальнага доступу

У Менску затрымалі журналіста Андрэя Аляксандрава. Ён у Кастрычніцкім РАУС, яго дзяўчына ў турме на Акрэсьціна

абноўлена

Андрэй Аляксандраў (зьлева) побач са старшынём БАЖ Андрэем Бастунцом. Архіўнае фота.
Андрэй Аляксандраў (зьлева) побач са старшынём БАЖ Андрэем Бастунцом. Архіўнае фота.

У Менску прапаў журналіст і мэдыямэнэджар Андрэй Аляксандраў. Амаль праз суткі яго знайшлі ў міліцыі.

Ранкам 13 студзеня калегі журналіста паведамілі, што апошні раз зьвязваліся з Андрэем Аляксандравым 12 студзеня каля 14:00. Пасьля гэтага сувязі зь ім ня стала, тэлефон журналіста доўга быў адключаны, калегі не маглі зьвязацца і зь ягонай дзяўчынай.

Пазьней удзень стала вядома, што Андрэй Аляксандраў знаходзіцца ў Кастрычніцкім РУУС Менску. У чым яго вінавацяць, невядома. У міліцыю паехаў адвакат журналіста.

Дзяўчына Андрэя знайшлася ў турме на Акрэсьціна.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG