«У сакавіку Беларускі Свабодны тэатар працаваў над інсцэніроўкай раману Альгерда Бахарэвіча „Сабакі Эўропы“, які павінны былі прывезьці ў лёнданскі Barbican у траўні. Аднак кіраўнікі тэатру заклікалі калегаў спыніць пракат спэктакляў з прычыны каранавірусу», — нагадвае сайт.
Тэатар запусьціў кампанію LoveOverVirus, для якой акторы чыталі казкі, а тэатар разьмяшчаў на сваім канале YouTube пастаноўкі са сваёй 15-гадовай гісторыі. Затым была створана складаная онлайн-пастаноўка расейскага раману «Школа для дурняў» з выкарыстаньнем Zoom, піша ў тэлеграм-канале стваральнік Свабоднага тэатру Мікалай Халезін.
