Сьцьвярджаецца, што яны растрацілі 356 мільёнаў рублёў (каля $5 млн) ахвяраваньняў, сабраных на працу іх фондаў, у тым ліку на Фонд барацьбы з карупцыяй. Паводлевыстаўленага абвінавачаньня апазыцыйнаму палітыку пагражае да 10 гадоў пазбаўленьня волі. Навальны пракамэнтаваў гэта ў Твітэры словамі: «Пуцін, падобна, проста бʼецца ў гістэрыцы».
Навальны цяпер знаходзіцца ў Нямеччыне, дзе праходзіць рэабілітацыю пасьля спробы замаху на яго. Яго спрабавалі атруціць у Томску, як мяркуецца, баявым хімічным рэчывам групы «Новичок». Ён вінаваціць у арганізацыі замаху асабіста прэзыдэнта Расеі Ўладзіміра Пуціна — Крэмль гэта адмаўляе. Супраць палітыка ўжо распачата справа аб паклёпе.
Раней апазыцыянэр быў асуджаны за крадзеж у справах «Кіраўлесу» і «Іў Рашэ». У справе «Іў Рашэ» Навальны 30 сьнежня 2014 году быў асуджаны на 3,5 года пазбаўленьня волі ўмоўна паводле артыкулу аб махлярстве. Сам ён не прызнаў сябе вінаватым, называючы справу палітычна матываванай.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў