Лінкі ўнівэрсальнага доступу

У «Адзінай кнізе рэгістрацыі злачынстваў» апублікавалі матэрыялы праверкі фальсыфікацыі выбараў


Сьвятлана Ціханоўская ў дзень прэзыдэнцкіх выбараў 9 жніўня
Сьвятлана Ціханоўская ў дзень прэзыдэнцкіх выбараў 9 жніўня

У ініцыяванай Сьвятланай Ціханоўскай «Адзінай кнізе рэгістрацыі злачынстваў» апублікаваны першы сьпіс 28 матэрыялаў праверкі.

Прэсавая служба Сьвятланы Ціханоўскай паведаміла, што гэта імёны і пацьверджаныя юрыстамі доказы парушэньняў сябраў выбарчых камісій, якія фальсыфікавалі прэзыдэнцкія выбары.

На цяперашні момант у кнізе больш за 1200 заяваў: 397 паступіла на сайт ekrp.org (у Беларусі заблякаваны), больш за 400 перададзена ад праектаў «23.34» і «Жнівень-2020», яшчэ прыкладна 400 ад праектаў «Голас» і Zubr.

Паводле прэсавай службы Сьвятланы Ціханоўскай, сярод 397 прынятых і адфільтраваных заяваў 117 тычацца злачынстваў супраць правоў грамадзян, 188 — пра катаваньні і гвалт, 9 — забойствы, 66 —перавышэньне службовых паўнамоцтваў ды некаторыя іншыя.

«Сёньня пачынаецца новы разьдзел у нашай барацьбе за справядлівасьць. Сьледам за сьпісам фальсыфікатараў „Адзіная кніга рэгістрацыі злачынстваў“ будзе публікаваць доказы катаваньняў, гвалту, карупцыі, вынясеньня неабгрунтаваных прысудаў і іншых службовых злачынстваў. Мы робім гэта, каб больш ніхто ня мог скрасьці нашы галасы, затрымліваць бацькоў, кідаючы іх дзяцей у вазках пасярод вуліцы, зьдзекавацца зь вязьняў сумленьня», — адзначыла Сьвятлана Ціханоўская.

Па яе словах, усе, хто зьявяцца ў матэрыялах кнігі, павінны быць гатовыя да міжнароднага крымінальнага перасьледу, пэрсанальных санкцый i справядлівагу суду. Час беспакаранасьці скончыўся, дадала яна.

Паведамляецца, што наступны сьпіс такіх матэрыялаў будзе апублікаваны 20 студзеня 2021 году.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG