Будынак — прыклад ісламскага рэлігійнага дойлідзтва, якое захавалася да нашага часу, піша «Польскае радыё». У ім зрабілі рамонт інтэрʼеру. Узмацнілі перамычку вокнаў у перагародцы паміж асобнымі малітоўнымі залямі для жанчынаў і мужчынаў, канструкцыю гаўбца, ачысьцілі драўляныя слупы, якія яго падтрымліваюць, а таксама драўляную лесьвіцу.
Гэта найстарэйшая мячэць Польшчы. Пры гэтым мусульманскія рэлігійныя пабудовы ў Крушынянах, а таксама ў блізкіх Багоніках маюць больш архітэктурнага падабенства з драўлянымі хрысьціянскімі цэрквамі і касьцёламі, а не з арабскім стылем.
Старшыня мусульманскай рэлігійнай грамады ў Крушынянах Браніслаў Талькоўскі заявіў, што дасюль ня вызначана дакладная дата стварэньня мячэці, але ёсьць дакумэнты, якія сьведчаць аб яго існаваньні ў XVIII стагодзьдзі, а ў 1846 годзе быў капітальны рамонт мячэці.
З словаў Браніслава Талькоўскага, перш сьцены крушынянскай мячэці былі пабудаваныя толькі зь бярвеньня.
Мячэць і мізар (мусульманскія могілкі) у Крушынянах уваходзяць у сьпіс помнікаў гісторыі Польшчы.
