З прычыны абмежаваньняў у сувязі з каранавіруснай інфэкцыяй прэс-канфэрэнцыя праходзіць у незвычайным фармаце. Пуцін знаходзіцца ў сваёй рэзыдэнцыі ў Нова-Агарове. Там таксама знаходзяцца журналісты крамлёўскага пулу. Іншыя журналісты могуць задаваць пытаньні па відэасувязі.
Згодна з разьмешчанай на сайце Крамля інфармацыяй, акрэдытацыю атрымалі 774 журналісты. Гэта амаль у 2,5 разы менш, чым годам раней, калі на мерапрыемства акрэдытаваліся рэкордныя 1895 чалавек.
Прэс-канфэрэнцыя, як сказаў сам Пуцін, праходзіць з элемэнтамі «прамой лініі», гэта значыць будуць задавацца пытаньні, якія, як сьцьвярджаецца, былі накіраваны непасрэдна грамадзянамі. «Прамая лінія» праз эпідэмію сёлета не праводзілася.
