Лінкі ўнівэрсальнага доступу

Апэратара тэлеканалу «Белсат» Івана Куракевіча арыштавалі на 15 сутак


Іван Куракевіч

Апэратар тэлеканалу «Белсат», які вяшчае з Польшчы на Беларусь, Іван Куракевіч быў асуджаны на 15 сутак арышту 8 сьнежня.

Пра гэта паведамляе БелаПАН са спасылкай на Беларускую асацыяцыю журналістаў.

Карэспандэнтка «Белсату» Любоў Лунёва і Іван Куракевіч былі затрыманыя 7 сьнежня на плошчы Якуба Коласа ў Менску падчас асьвятленьня традыцыйнай акцыі пэнсіянэраў — Марш мудрасьці.

Пасьля складаньня пратаколаў аб удзеле ў несанкцыянаваным масавым мерапрыемстве абое журналісты былі дастаўленыя да суду ў ізалятар на Акрэсьціна. Пазьней Любоў Лунёву шпіталізавалі ў кардыялягічнае аддзяленьне 9-га гарадзкога клінічнага шпіталя.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG