Ён выказаў надзею, што ўчынак зрабілі не беларусы. Паводле ягоных словаў, пашкодзілі ня толькі будынак, які зьяўляецца бэльгійскай архітэктурнай спадчынай, але і дзяржаўную ўласнасьць Рэспублікі Беларусь.
«У народзе такіх людзей, акрамя як падлюкамі, ніколі не называлі, таму што большай подласьці, чым гадзіць з-за вугла, цяжка ўявіць. Гэта з пункту гледжаньня маралі; з пункту гледжаньня закону адказ дасьць брусэльская паліцыя», – гаворыцца ў заяве Міхневіча, разьмешчанай на сайце амбасады.
У сваёй заяве Міхневіч таксама піша аб палітычнай сытуацыі ў Беларусі:
«Сёньня наша краіна праходзіць складаны этап свайго разьвіцьця. Гучаць розныя, часта супрацьлеглыя думкі. І калі такое меркаваньне выказваецца адкрыта, бескарысьліва і пераканана, то такі чалавек варты толькі павагі. Калі ж хтосьці спрабуе прыцягнуць да сябе ўвагу подлымі вылазкамі і гадасьцямі – такія людзі заслугоўваюць толькі пагарды».
